नातं

नातं म्हणजे हळुवार बंधन
आंबट गोड तुरट खारट
नातं म्हणजे गोड गुपित
दोन लोकांना
एकत्र आणणारं अन्
जोडून ठेवणारं
नातं कसं नारळासारखं
आतून मऊ अन्
बाहेरून कडक
नातं कसं लोणच्यासारखं
आधी करकरीत
अन् मुरलं की तरंगणार
नातं म्हणजे खूप जपणं
खूप खपण अन् खूप मिळवणं
नातं जमलं की
मेतकूट जमते
अन् जमलेलं मेतकूट
छान चविष्ट बनतं
म्हणूनच
नातं जमवावं
जमवून घ्यावं
जुळवून घ्यावं
अन् त्याची फळं  चाखावी



                 मृणाल वाळिंबे