आयुष्यात एकदा तरी

आयुष्यात एकदा तरी
भरभरून जगावे
सारी बंधने झुगारून
स्वच्छंदी फुलपाखरासमं विहरावे
आयुष्यात एकदा तरी
मनसोक्त हसावे
दु:खांना बाजूला सारून
सुखांना कवेत घेऊन बहरावे
आयुष्यात एकदा तरी
स्वत:साठी जगावे
आजूबाजूची परिस्थिती झुगारून
मनातल्या स्पंदनांना बाहेर काढावे
आयुष्यात एकदा तरी
स्वत:वरच प्रेम करावे
सारी नाती विसरून
स्वत:तल्या सुप्त गुणांना वाव द्यावा
आयुष्यात एकदा तरी म्हणावे
जगणे खूप सुंदर आहे
अन्  या सुंदर जीवनाचा मी
शिल्पकार आहे

        मृणाल वाळिंबे

Hi This is my new creation of Multicolored Crochet Purse:
Created using glossy threads of vibrant color, zip lock, and metal handle with Brass color. .

नातं

नात्याला असावा गंध बकुळीचा
सुकला तरी सुवास दरवळणारा
नात्याला असावा बंध मनाचा
नसावा त्याला वास हेवादाव्याचा
नात्याला असावी चंदनाची काया
झिजली तरी सुगंध पसरवणारी
नात्याला असावा स्वाद अमृता चा
एकच थेंब आयु्ष्याला पुरणारा
नातं असावं आपुलकीचं
जणू काही दुधात मिसळलेल्या
शर्करेसमं
नातं असावं घट्ट विणलेलं
आपुलकीच्या धाग्यां नी
नसावं त्याला कसलं कोंदण
वय जात धर्माचं
असचं नातं फुलवावं
अन् आयुष्यभरं निभवावं

मैत्री

                  

मैत्री असावी पाण्यासारखी 

         निर्मळ, नितळ, स्वछ जशी

मैत्री असावी समुद्रासारखी 

         उधाण आलेल्या बेधुंद लाटच जशी

मैत्री असावी घनदाट वृक्षासारखी

          थकलेल्या जीवाला सावली देणारी

मैत्री असावी स्वच्छंदी

           फुलपाखरासारखी 

मैत्री असावी नात्यांपलीकडची

             जात, धर्म,वय, भाषा न झुगारणारी

मैत्री असावी अशी 

                की शब्दांत न मांडता येणारी

पण सुखं दु:खात नि:शब्द साथ देणारी

               अन् चिरंतन टिकणारी

मोहिनी

                  

तुझ्या श्वासांच्या गरम उसासांमध्ये

                          मी हरवून जातो

तुझ्या गालावरची खळी

                मला वेडावून जाते

तुझ्या तरल डोळ्यांतील भाव 

                 मला खुणावत राहतो 

तुझ्या पापण्यांची उघडझाप

               मला मोहूनच टाकते

अशी तू माझ्या मनातील 

             कोपऱ्यात घर करून राहते

अशी तू माझी प्रेरणा होऊन 

                 मला साथ करते

अशी तू लाजरी, अबोल

                 मला नेहमीच मत्रंमुग्ध करते

अशा तुला काय म्हणावे 

                 प्रेरणा , भास, की मोहिनी 

हेच कळेना मला?

प्रेम

                   प्रेम

डोक्यातील टिकटिक
हृदयातील धडधड
मनातील कुणकुण 
यालाच म्हणतात वाटतं प्रेम
खोलवर रुजवलेल
तिला पहिले की उसळून येणारं
फेसाळणाऱ्या समुद्रासारखं
अन् अलगद कवेत घेणारं
यालाच म्हणतात वाटतं प्रेम
ती ठेचकाळते
अन् घायाळ मी होतो
ती हसते
 अन्  प्रफुल्लित मी होतो
यालाच म्हणतात वाटतं प्रेम
मी अन् तू , तू अन् मी
 एकच जीव
एकच मन 
आणखी काय हवं
सांग ना?

स्त्री - एक संघर्ष
स्त्री म्हणजे मानिनी
कसली मानिनी?
सतत अपमान झेलणारी
स्त्री म्हणजे दुर्गा 
कधीतरीच रुद्रावतार घेणारी 
स्त्री म्हणजे पुरुषाची ताकद 
त्याची सहधर्मचारिणी 
त्याला सर्वतोपरी साथ देणारी 
पण हीच स्त्री अबला 
सदैव अत्याचार सहन करणारी 
सदैव मर्यादा सांभाळणारी
अन् स्वतःचे मत नसलेली
कर्तुत्वहीन
कणाच हरवलेली
अरे पण वेड्यांनो
याच स्त्रीमुळे तर तुमचा
जन्म झाला
याच स्त्रीमुळे तुमच्या
कर्तुत्वला उजाळा आला
अशा या  स्त्रीचे उदात्तीकरण
करायचे सोडून
तुम्ही तिलाच पायदळी तुडवता
अन् तिची अस्मिता
धुळीस मिळवता
हे बरे नव्हे ?
तिलाही मान द्या
अन् स्वतःचा उत्कर्ष करा

                             मृणाल वाळिंबे