आयुष्यात एकदा तरी

आयुष्यात एकदा तरी
भरभरून जगावे
सारी बंधने झुगारून
स्वच्छंदी फुलपाखरासमं विहरावे
आयुष्यात एकदा तरी
मनसोक्त हसावे
दु:खांना बाजूला सारून
सुखांना कवेत घेऊन बहरावे
आयुष्यात एकदा तरी
स्वत:साठी जगावे
आजूबाजूची परिस्थिती झुगारून
मनातल्या स्पंदनांना बाहेर काढावे
आयुष्यात एकदा तरी
स्वत:वरच प्रेम करावे
सारी नाती विसरून
स्वत:तल्या सुप्त गुणांना वाव द्यावा
आयुष्यात एकदा तरी म्हणावे
जगणे खूप सुंदर आहे
अन्  या सुंदर जीवनाचा मी
शिल्पकार आहे

        मृणाल वाळिंबे