मैत्रिणी
मैत्रिणी माझ्या जिवाभावाच्या
जीवाला जीव देणाऱ्या
मनाच्या तळातून प्रेम करणाऱ्या
मैत्रिणी माझ्या जिव्हाळ्याच्या
कुणाच्याही दु:खाने
कावऱ्याबावऱ्या होणाऱ्या
मैत्रिणी माझ्या मायेच्या
सदैव आईच्या तोडीने
पाठीवरून हात फिरवणाऱ्या
मैत्रिणी माझ्या आपुलकीच्या
हाकेला प्रतिसाद देणाऱ्या
मैत्रिणी माझ्या मनकवड्या
मनातील भाव
ओठावर येण्याआधीच जाणणाऱ्या
मैत्रिणी माझ्या प्रेमाच्या
अत:पासून अंतापर्यंत
प्रेम करणाऱ्या
मैत्रिणी माझ्या आयुष्यभराच्या
सदैव माझी साथ देणाऱ्या
माझ्या जीवनाचा
अविभाज्य घटक असणाऱ्या
आणखी काय म्हणू
मैत्रिणी माझ्या एकाच
नाळेने बांधलेल्या
जणू काही माझीच छबी
असलेल्या
मृणाल वाळिंबे
No comments:
Post a Comment