आई - प्रेमळ विश्वास

आई म्हणजे वात्सल्यसिंधू भाव 
आई म्हणजे प्रेमळ जननी 
आई म्हणजे जन्मभराची गुरु 
आई म्हणजे हृदयाची हाक 
आई निःशब्द जाग 
आई गूज अंतरीचे 
आई असते क्षमेची मूर्ती 
आपल्या मुलांचे अपराध 
           पोटात घालणारी 
आई असते सावली 
सतत सोबत करून 
मार्ग दाखवणारी 
आईच असते पाठीराखी 
मुलांची पदोपदी 
अन् तिच निभावते साथ त्यांची 
अर्हनिश , अहोरात्र 
म्हणूनच म्हणतात 
     आईविना भिकारी 
स्वामी तिन्ही जगांचा